Egoiliarrak
Nola lor dezaket egoiliar-bereizgarria?
Egoiliar-bereizgarria lortzeko, TAO zerbitzuaren arreta-bulegoan eskatu behar da (San Juan kalea 23, lokala). Barakaldoko Udalak emango ditu egoiliarren ibilgailuetarako txartelak, eremu baterako, baldin eta ibilgailuek baldintza hauek betetzen badituzte:
- Barakaldon bizi den pertsona fisikoaren izenean matrikulatuta egotea. Pertsona horrek udal-erroldan alta emanda egon behar du, eta txartelari dagokion eremuan erregistratuta.
- Titularraren erroldako helbidea ibilgailuaren zirkulazio-baimenean agertzen denarekin bat etortzea.
- Ibilgailua Barakaldoko Ibilgailuen Zirkulazio Zergaren Erroldan alta emanda egotea, eta aurreko ataletan jasotako titulartasuna eta helbidea bat etortzea.
Horretarako, eskatzaileak dokumentu hauek aurkeztu beharko ditu bulegoan.
- Ibilgailuaren aseguruaren kopia; ohiko gidari gisa agertu behar du eskatzaileak aseguruan.
Zer motatako ibilgailuek lor dezakete egoiliar-txartela?
- Turismoek
- Ibilgailu misto moldagarriek
- 2.000 kg-ko edo gutxiagoko tara duten furgonetek
Lor dezakete egoiliar-txartela enpresako eta autoeskolako ibilgailuek?
Enpresako eta autoeskolako ibilgailuei ere emango zaie egoiliar-txartela, baldin eta ohiko gidaria egoiliar-txartelari dagokion eremuan bizi bada, ibilgailua alta emanda badago Barakaldoko Udalaren Zirkulazioko Udal Zergaren Erroldan, eta ohiko gidariak ez badu beste ibilgailu baterako egoiliar-txartela.
Gehienez zenbat bereizgarri izan ditzake egoiliar bakoitzak?
Oro har, bereizgarri bakarra ematen da ibilgailu-jabe bakoitzeko. Hala ere, salbuespenezko kasuetan, baliteke beste bereizgarri bat ematea; adibidez, titular beraren beste ibilgailu bat ezkontideak edo lehen mailako ahaideek erabiltzen dutenean, baldin eta gidabaimena baldin badute, beste txartelik lortu ez badute, erroldatuta badaude eta helbide berean bizi badira. Edonola ere, egoiliarren ibilgailuetarako txartel-kopurua, gehienez, laukoa izango da helbideko.
