Maiz egiten diren galderak

Barakaldon, bide publikoko aparkaldi arautua (TAO) hiri-mugikortasuneko soluzio bat da, eta bi helburu ditu: batetik, ibilgailuen zirkulazioa hobetzea, eta, bestetik, dauden aparkalekuak ahalik eta egoiliar eta bisitari gehienen artean partekatzea.

5 eremutan banatzen da Barakaldoko TAO. Zure etxea zein eremuri dagokion jakin nahi baduzu, kontsultatu kaleen zerrenda otabarakaldo.com webgunean

Hona hemen Barakaldoko TAO zerbitzuaren ordutegia:

• 1. eremua (Gurutzeta)
  • Astelehenetik ostiralera, 08:00etatik 22:00etara (sektore berdean, egun-erdia 08:00etatik 15:00etara eta 15:00etatik 22:00etara da)
  • Larunbat, igande eta jaiegunetan: libre
  • Astelehenetan, 08:00etatik 17:00etara, ez dago TAOrik Gurutzetako azoka txikiaren eremuan, ezin baita aparkatu
• 2-5 eremua (Barakaldoren erdigunea):
  • Astelehenetik ostiralera, 09:00etatik 14:00etara eta 16:00etatik 20:00etara (sektore berdean, egun-erdia 09:00etatik 14:00etara eta 16:00etatik 20:00etara da)
  • Larunbatetan, 09:00etatik 14:00etara
  • Igande eta jaiegunetan: libre

Sektore urdina

• 30 minutura arte: 0,40 €
• 30 eta 120 minutu artean: 0,05 € 2,22 minutuz behin.
• 2 ordu (gehienez): 2,50 €

Sektore berdea

• Egun-erdia: 2,70 € (tarifa bakarra)

Ibilgailu berak ezingo du beste tiket bat atera aparkatzeko eremu bererako, aurreko tiketa amaitzen denetik 3 ordu igarotzen ez diren arte. Sektore urdinari eta berdeari aplikatzen zaie hori.

Aparkaleku-tiketak bi zati ditu: ibilgailuaren barruan ikusgai jartzen duzuna eta beste bat, txikiagoa, frogagiri gisa erabil dezakezuna. Gastuak justifikatzeko, tiket bera erabil dezakezu. Tiketak bi zati ditu: bata ibilgailuaren barruan ikusgai jartzeko eta bestea zurekin eramateko modukoa.

Egun hauetan ez dago TAO zerbitzurik Barakaldon:

• Igande eta jaiegunetan
• Larunbatetan Gurutzetan (1. eremua)
• Udalak adosten dituen egunetan

Gaur egun, egoiliar-bereizgarria baino ez dago. Barakaldoko Udalak ematen du, eremu baterako, eta hurrengo puntuan adierazitako baldintzek indarrean jarraitzen duten bitartean izango da baliozkoa

Egoiliar-bereizgarria lortzeko, TAO zerbitzuaren arreta-bulegoan eskatu behar da (San Juan kalea 23, lokala). ç

Barakaldoko Udalak emango ditu egoiliarren ibilgailuetarako txartelak, eremu baterako, baldin eta ibilgailuek baldintza hauek betetzen badituzte:

• Barakaldon bizi den pertsona fisikoaren izenean matrikulatuta egotea. Pertsona horrek udal-erroldan alta emanda egon behar du, eta txartelari dagokion eremuan erregistratuta.
• Titularraren erroldako helbidea ibilgailuaren zirkulazio-baimenean agertzen denarekin bat etortzea.
• Ibilgailua Barakaldoko Ibilgailuen Zirkulazio Zergaren Erroldan alta emanda egotea, eta aurreko ataletan jasotako titulartasuna eta helbidea bat etortzea.

Horretarako, eskatzaileak dokumentu hauek aurkeztu beharko ditu bulegoan.

• Ibilgailuaren aseguruaren kopia; ohiko gidari gisa agertu behar du eskatzaileak aseguruan.

• Turismoek
• Ibilgailu misto moldagarriek
• 2.000 kg-ko edo gutxiagoko tara duten furgonetek

Enpresako eta autoeskolako ibilgailuei ere emango zaie egoiliar-txartela, baldin eta ohiko gidaria egoiliar-txartelari dagokion eremuan bizi bada, ibilgailua alta emanda badago Barakaldoko Udalaren Zirkulazioko Udal Zergaren Erroldan, eta ohiko gidariak ez badu beste ibilgailu baterako egoiliar-txartela.

Oro har, bereizgarri bakarra ematen da ibilgailu-jabe bakoitzeko. Hala ere, salbuespenezko kasuetan, baliteke beste bereizgarri bat ematea; adibidez, titular beraren beste ibilgailu bat ezkontideak edo lehen mailako ahaideek erabiltzen dutenean, baldin eta gidabaimena baldin badute, beste txartelik lortu ez badute, erroldatuta badaude eta helbide berean bizi badira. Edonola ere, egoiliarren ibilgailuetarako txartel-kopurua, gehienez, laukoa izango da helbideko.

Bai. Bizikletek, zikloek, ziklomotorrek eta motozikletek ez dute aparkatzeko denbora-mugarik, eta, beraz, TAOko tiketa ateratzetik salbuetsita daude.

Bi eratara ordain daiteke aparkatzeko tasa: parkimetroa erabiliz edo aplikazioaren bidez

• Parkimetroa: Eskudirutan edo banku-txartelekin (EMV teknologia) ordain dezakezu aparkaldia, parkimetro jakin batzuetan.
  • Eskudirutan ordaintzea aukeratzen baduzu, jarraitu parkimetroan agertzen diren argibideei. Kontuan izan behar da parkimetroak ez duela xeherik itzultzen; hortaz, zenbateko zehatza sartu behar da.
  • Banku-txartelarekin ordaintzea aukeratzen baduzu, jarraitu gailuan adierazitako argibideei. Kontuan izan parkimetro-modelo guztiek ez dutela ematen banku-txartelarekin ordaintzeko aukera.
• Aplikazioa: Telpark aplikazioaren bidez (Google Play-n, App Store-n edo webgunearen bidez eskuragarri),  parkimetrora joan beharrik gabe kudeatu eta ordain dezakezu aparkaldia. Zure datu pertsonalak, ordainketa-informazioa eta aparkatuko den ibilgailuaren datuak sartu beharko dira aplikazioan. Horrez gain, aplikazioari esker, hasieran hautatutako aparkatzeko denbora handitu edo murriztu ahal izango da, baldin eta aparkatu den eremurako gehieneko aparkatzeko denbora gainditzen ez bada.

Ez. Aparkaldia aplikazioaren bidez kudeatuz gero, ez da tiketik behar.

Aparkatzeko tiketa ez ateratzeagatiko salaketa (aplikazioan edo parkimetroan) ezin da baliogabetu, eta 45,08 €-koa da. Baliteke zenbateko hori txikitzea, salaketan bertan ezarritako ordainketa-baldintzen arabera; adibidez, salaketa goiz ordaintzeagatik murriztea.

Aparkatzeko baimendutako denbora gaindituz gero, aparkatzeko tiketean adierazitakoaren arabera, erabiltzaileak aplikazioan edo parkimetroan 9 € ordainduta baliogabetu ahal izango du salaketa, baldin eta salaketa jarri eta 48 orduko epean ordaintzen badira.

Mugikortasun urriko pertsonentzako aparkatzeko txartel bat baldin baduzu, tiketa atera beharrik gabe aparkatu ahal izango duzu sektore urdin eta berdeetan, denbora-mugarik gabe eta aparkatzeko edozein eremutan.

Bi zati ditu aparkatzeko egiaztagiriak: bata, ibilgailuaren barruan jarri behar da, eta bestea, txikiagoa, frogagiri edo egiaztagiri gisa erabil dezakezu. Gastu-oharretarako eta antzekoetarako, egiaztagiriaren zati nagusia erabil dezakezu zuzenean. Mugikorretarako aplikazioaren bidez ordainduz gero, aparkatzeko zerbitzua erabiltzailearen kontuan erregistratuta geratuko da, eta, horrela, edonoiz kontsultatu ahal izango duzu informazioa. Gainera, aparkaldi bakoitzari dagokion faktura deskargatu ahal izango duzu.Bertakoei ez zaie, inolaz ere, txartel bana baino gehiago emango.

Salaketa bat jaso baduzu nahiz eta aplikazioaren bidez ordaindu eta salaketaren ordua ordaindutako ordutegiaren barruan egon, aplikazioa arduratuko da gorabehera automatikoki kudeatzeaz. Prozesu hori gauzatzeko, jarri harremanetan Telpark-en laguntza-zerbitzuarekin; horretarako, hautatu “Aukera gehiago > Kontaktua” aplikazioan, edo bidal iezaguzu mezu elektroniko bat helbide honetara: otabarakaldo@telpark.com.